Saturday, July 9, 2011

അടിമയ്ക്ക് ഹ്രദയമുണ്ടോ ...?

അടിമയുടെ ഹ്രദയം -
അധികാര കൈകള്‍ക്ക് അമ്മാനമാടാനുള്ളത് .
അറ്റ് പോയ ബന്ധങ്ങളും വിട്ടു പോയ സ്വപനങ്ങളും,
അകലങ്ങളിലിരുന്നു പരിഹസിക്കുന്നു !
കച്ചവട ചന്തയിലാരോ വിലപറഞ്ഞു വിറ്റപ്പോള്‍ -
കിനാക്കള്‍ പടിയിറങ്ങിയന്നു .
കൈയും മൈയ്യും തളരുവോളം പണിതിട്ടും ,
കരുണയില്ലാ കണ്ണുകളില്‍ നിന്നെപ്പോഴും തീപാറി !
ഒന്നിനൊന്നു ഒടുങ്ങാതെ -
ഒരായുഷ്ക്കാലം മുഴുവനും ,
ഒരിക്കലും തീരാത്ത വേലയെടുക്കുവാന്‍ -
ഒരു മാത്ര വിറ്റു പോയതീപിറപ്പുകള്‍ !
വിപ്ലവം കൊടുവാള്‍ വീശിയെറിഞ്ഞിട്ടും -
വീര സഖാക്കള്‍ ബലിക്കല്ലില്‍ ചുടുചോര വീഴ്ത്തിയിട്ടും ,
വീഴ്ത്താനായില്ല ...മുതലാളിത്ത്വതിന്‍ നീരാളിപിടുത്തങ്ങളെ -
വാഴുന്നിപ്പോഴുമത് വിപ്ലവങ്ങളെ തോല്‍പ്പിച്ചുകൊണ്ട് !
അടിമാകച്ചവടത്തിനറുതി വന്നെന്നാരോപുലമ്പുമ്പോഴും -
അതസത്യമേന്നോതിയടിമകള്‍ ജനിക്കുന്നു പിന്നെയും ,
അറിയുമോ മുതലാളിത്തമെന്നെങ്കിലും
ആരോ വിലയ്ക്ക് വിറ്റയീ അടിമയ്ക്കും ഒരു ഹ്രദയമുണ്ടെന്ന് !

No comments:

Post a Comment